Беларусам забаранілі наведваць лясы

• 29.03.2026, 19:14

Амаль па ўсёй краіне.

У апошнія дні сакавіка з-за працяглага засушлівага і анамальна цёплага надвор'я ўлады Беларусі ўвялі абмежаванні на наведванне лясоў практычна па ўсёй краіне. Пра гэта сведчыць карта на сайце Міністэрства лясной гаспадаркі.

Абмежаванні, пазначаныя жоўтым колерам, азначаюць, што хадзіць у лясах дазволена, але уезд на іх тэрыторыю на аўтамабілі і распальванне вогнішчаў забароненыя.

У чатырох абласцях абмежаванні дзейнічаюць на ўсёй тэрыторыі: Брэсцкай, Віцебскай, Гомельскай і Магілёўскай.

У Мінскай вобласці пад забарону трапілі ўсе раёны, акрамя Мядзельскага. У Гродзенскай вобласці наведванне лясоў дазволена толькі ў адным Гродзенскім раёне.