У ЕС папярэджваюць ад набыцця жывёл з Беларусі

• 29.03.2026, 19:54

А таксама з РФ.

У Расіі могуць хаваць эпідэмічную сітуацыю ў жывёлагадоўлі з-за пагрозы для экспарту, як паведамляюць у Міністэрстве сельскай гаспадаркі ЗША, піша «Зеркало недели. Украина».

Асаблівую заклапочанасць выклікаюць успышкі захворванняў сярод буйной рагатай жывёлы ў Сібіры. Расійскія ўлады афіцыйна інфармуюць пра выпадкі шаленства і пастэрэлёзу, аднак метады барацьбы з імі сведчаць пра больш небяспечныя інфекцыі, такія як яшчур.

Татальны забой жывёл на вялікіх тэрыторыях, уключаючы спальванне жыўцом, уласцівы менавіта ліквідацыі яшчуру, а не больш лёгкіх захворванняў.

Акрамя таго, пасля ўвозу ў Германію праз Латвію сабакі, у якой пазней дыягнаставалі шаленства, харчова-ветэрынарныя службы Еўропы (PVD) заклікалі грамадзян не набываць дамашніх жывёл з Расіі і Беларусі. Паводле іх даных, афіцыйныя сертыфікаты аб адсутнасці хвароб не гарантуюць бяспекі: інкубацыйны перыяд шаленства можа цягнуцца некалькі месяцаў, жывёла вонкава выглядае здаровай, але ўяўляе смяротную пагрозу для навакольных.