Трамп запэўніў, што вайна РФ супраць Украіны застаецца сярод яго прыярытэтаў
- 3.03.2026, 22:43
Пра гэта прэзідэнт ЗША сказаў падчас сустрэчы з канцлерам Германіі.
Прэзідэнт ЗША Дональд Трамп заявіў, што спыненне вайны РФ супраць Украіны застаецца адным з галоўных прыярытэтаў яго палітыкі.
Пра гэта Трамп сказаў падчас сустрэчы з канцлерам Германіі Фрыдрыхам Мерцам у Белым доме ў аўторак, 3 сакавіка.
«Гэтае пытанне [Украіна і Расія] знаходзіцца вельмі высока ў гэтым спісе [прыярытэтаў]», — адзначыў кіраўнік Белага дома.
Трамп таксама выказаў надзею, што мірнае ўрэгуляванне стане магчымым.
«Часам я абвінавачваю адзін бок, часам — другі», — дадаў ён.