У Мінску тролейбус збіў падлетка на самакаце і вылецеў з дарогі

• 30.03.2026, 10:10

Відэафакт.

У Мінску непаўналетняя на электрасамакаце не саступіла дарогу тролейбусу і трапіла пад колы, паведамілі ў сталічнай ДАІ.

Падзея адбылася ноччу 30 сакавіка на скрыжаванні вуліц Калеснікава і Люцінскай. Паводле папярэдняй інфармацыі, 16-гадовая дзяўчына на электрасамакаце, перасякаючы праезную частку вуліцы Калеснікава па рэгуляваным пешаходным пераходзе на зялёнае святло, не сышла з самаката і не саступіла дарогу тролейбусу, у выніку чаго адбылося сутыкненне. Пасля наезду тролейбус выехаў за межы праезнай часткі.

Дзяўчына атрымала ў ДТЗ траўмы рознай ступені цяжкасці і была дастаўлена ў бальніцу.