Пуцін пачаў вайну супраць пыласосаў

• Аляксандр Нявзораў
• 30.03.2026, 11:54

Гэта не «Панарама» і не жарт.

Вайна і тэлевізар радыкальна змянілі рускую псіхіку. У рэестры цяжкіх душэўных хвароб СААЗ, несумненна, з'явіцца дыягназ «расіянін». Гэта ёмістае паняцце, якое ўключае цэлы букет сіндромаў і дэвіяцыяў.

Ніхто, вядома, не хоча пакрыўдзіць насельніцтва РФ, але яскравыя і драматычныя мутацыі, што адбыліся з мільёнамі людзей, патрабуюць карэктнага тэрміна. Тэма далікатная. Спецыялісты СААЗ мечуцца і вышукваюць слоўцы і тэрміны танчэйшыя.

І тут — бац!

Афіцыйная асоба, кіраўнік важнага дзяржаўнага органа СПЧ (Рады па правах чалавека пры прэзідэнце РФ), паведамляе свету, што дзякуючы сумеснай працы ФСБ і СПЧ выяўлены і выкрыты яшчэ адзін вораг рускага народа.

Гэтым ворагам аказаліся пыласосы. Яны сачаць практычна за ўсім насельніцтвам і перадаюць інфармацыю структурам НАТА і ЦРУ.

Старшымі ў гэтым шпіёнскім супольніцтве з'яўляюцца «робаты-пыласосы», якія на таемных сходках пыласосаў даюць указанні і каманды радавым апаратам.

Праўда, выкрыццё шпіёнскай сеткі ідзе хутка і паспяхова. Супрацоўнікі ФСБ умела дапытваюць кіраўнікоў злачыннага пыласоснага канцэрна, г.зн. «робатаў».

Кіраўнік «Рады па правах чалавека» спадар Фадзееў афіцыйна і публічна заклікаў расіян перайсці на айчынныя швабры і венікі.

Мда.

Гэта не «Панарама» і не жарт.

Аляксандр Нявзораў, Telegram