У Мінску да снежня перакрыюць праезд у Заводскім раёне

• 30.03.2026, 19:05

З-за рамонту цеплавых сетак.

У Мінску з-за рамонту цеплавых сетак перакрыюць праезд на ўчастку дарогі ў Заводскім раёне. Пра гэта паведамілі ў «Мінскэнерга».

«У сувязі з правядзеннем філіялам «Мінскія цеплавыя сеткі» РУП «Мінскэнерга» запланаванай рэканструкцыі цеплавых сетак часова прыпыняецца рух аўтатранспарту па ўчастку вул. Цэнтральнай — ад мясцовага праезду ўздоўж праспекта Партызанскага (у раёне дома № 109 па праспекце Партызанскім) да вул. Украінскай», — паведамілі ў ведамстве.

Праезд будзе перакрыты з 1 красавіка па 16 снежня.