Бэсент: ЗША адновяць кантроль над Армузскім пралівам

• 30.03.2026, 19:10

Міністр фінансаў ЗША выказаў надзею на аднаўленне суднаходства праз праліў, які цяпер блакуе Іран.

Міністр фінансаў ЗША Скот Бэсент выказаў надзею на аднаўленне суднаходства праз Армузскі праліў, які цяпер блакуе Іран, паведамляе Bloomberg.

Бэсент падкрэсліў, што адміністрацыя прэзідэнта ЗША Дональда Трампа сістэматычна прымае меры для пераадолення праблемы дэфіцыту сусветных паставак нафты.

«З цягам часу ЗША адновяць кантроль над пралівам, і там будзе забяспечана свабода суднаходства — або з дапамогай эскорту з боку ЗША, або з дапамогай шматнацыянальнага эскорту», — сказаў ён.

Паводле слоў міністра, сусветны рынак нафты сутыкаецца з дэфіцытам каля 10–12 мільёнаў барэляў у дзень, але ЗША актыўна кантралююць гэтую сітуацыю.