Пад Віцебскам грузавік MAN урэзаўся ў рэйсавы аўтобус
- 30.03.2026, 22:02
Пацярпелі тры пасажыры.
Трое чалавек пацярпелі ў выніку сутыкнення грузавіка MAN і рэйсавага аўтобуса ў Віцебскім раёне, паведамілі ў ДАІ.
Аварыя адбылася вечарам 30 сакавіка на 11-м кіламетры аўтадарогі Р112 Віцебск — Сураж — мяжа Расіі.
Паводле папярэдняй інфармацыі, 36-гадовы кіроўца MAN пры сустрэчным раз’ездзе урэзаўся ў рэйсавы аўтобус «МАЗ», якім кіраваў 62-гадовы кіроўца.
У выніку ДТЗ пацярпелі трое пасажыраў аўтобуса: 52-гадовая жанчына і два 19-гадовыя хлопцы. Іх накіравалі на амбулаторнае лячэнне.