Іран атакаваў кувэйцкі танкер Al-Salmi ў порце Дубая

• 31.03.2026, 8:49

Судна было цалкам загружана нафтай.

Іран нанёс авіяўдар па кувэйцкім танкеру Al-Salmi, які знаходзіўся ў порце Дубая. Пра гэта піша Al Jazeera са спасылкай на Kuwait Petroleum Corp.

Па звестках Al Jazeera, танкер Al-Salmi быў цалкам загружаны нафтай. У выніку авіяўдару на судне ўзнік пажар - пашкоджаны корпус, існавала пагроза выкіду нафты.

Пазней прэс-служба горада Дубая ў сваім акаўнце ў сацыяльнай сетцы X напісала, што пажар на кувэйцкім танкеры выратавальныя каманды цалкам патушылі. Ці адбыўся разліў нафты, не ўдакладняецца. Мясцовыя ўлады ацэньваюць шкоду ад паветранай атакі з боку Ірана.