Як ідуць справы ў пунктах пропуску на беларускай мяжы

• 31.03.2026, 11:49

Чаргі ўсё яшчэ захоўваюцца.

На ўезд у Літву і Польшчу скапілася больш за 760 вялікагрузных аўтамабіляў. Пра гэта паведамілі ў Дзяржаўным памежным камітэце Беларусі 31 сакавіка.

Паводле звестак ДПК, найбольш загружаны маршрут праходзіць праз літоўскі Мядзінінкай (Каменны Лог) — там налічваецца 310 аўтамабіляў. За суткі службы кантролю аформілі 11% транспарту. 200 грузавых аўто фіксуюцца перад Шальчынінкаем (Беняконямі).

Перад польскімі памежнымі пераходамі Кукурыкі (Казловічы) і Баброўнікі (Бераставіца) знаходзяцца адпаведна 160 і 98 адзінак грузавога транспарту.

Акрамя таго, перад польскім пунктам пропуску Цярэспаль (Брэст) фіксуецца 130 легкавых аўтамабіляў. Сумежны бок за 24 гадзіны аформіў 30% аўто ад нормы.