Дарадца прэзідэнта Літвы: Нам няма пра што гаварыць з беларускім рэжымам

• 31.03.2026, 16:25

Мінск павінен спыніць гібрыдныя атакі.

Пакуль рэжым Лукашэнкі працягвае сваю гібрыдную атаку, Літве няма пра што размаўляць з Беларуссю, заявіла Аста Скайсгіріце, галоўная дарадца прэзідэнта Гітанаса Наўседы, піша Delfi.

Паводле яе слоў, Мінск таксама не праяўляе жадання весці добразычлівы дыялог.

«Цяжка ўявіць, што (Беларусь) хоча дыялогу, калі гэтыя гібрыдныя атакі працягваюцца (...). Калі б сапраўды было шчырае жаданне весці дыялог, здаецца, што спачатку варта было б спыніць гэтыя дзеянні, тады мы маглі б пачаць гаварыць. Пакуль гэтага не бачна», — заявіла А. Скайсгіріце ў эфіры Žinių radijas у аўторак.

«Мы можам разглядаць дыялог, калі ёсць пра што гаварыць. Пакуль гэтыя дзеянні вядуцца, Літва знаходзіцца ў даволі абарончай пазіцыі, і гаварыць няма пра што. Трэба, каб гэтых дзеянняў проста не было», — дадала яна.