Мядзведзь-гігант з-пад Крупак узарваў сацсеткі

• 31.03.2026, 16:22

Яго зняла камера лясгаса.

У Telegram-канале Беларускага таварыства паляўнічых і рыбаловаў (БООР) апублікавалі відэа з мядзведзем-гігантам. Яго заўважылі ў лесе Крупскага раёна на Міншчыне. Відэа трапіла ў TikTok і выклікала небывалы інтарэс у беларусаў, піша smartpress.by.

«Сапраўдны касалапый гігант», — заявілі ў БООР. Мядзведзь трапіў на запіс камеры Крупскага паляўнічага гаспадарства.

«Гаспадар свае ўладанні аглядае», — напісаў каментатар пад відэа ў TikTok. Дарэчы, яно ўжо сабрала больш за 20 тысяч праглядаў.

Іншы карыстальнік назваў гэта «хорор», трэці заявіў: «Жах... Гэта знята на камеру лясгаса?»