Скрадзены ў Еўропе грузавік з тысячамі батончыкаў KitKat удалося вярнуць

• 31.03.2026, 18:05

Салодкасці былі скрадзеныя падчас перавозкі з Італіі ў Польшчу.

Кампанія Nestlé вярнула 12 тон шакаладных батончыкаў KitKat, скрадзеных падчас перавозкі з Італіі ў Польшчу. Пра гэта паведамляе Polsat News са спасылкай на сацсеткі брэнда.

Грузавік, які перавозіў больш за 410 тыс. батончыкаў KitKat агульнай вагой 12 тон, быў выкрадзены ў неўстаноўленым месцы мінулага тыдня. Праз некалькі дзён вытворцу ўдалося вярнуць груз, якога чакалі ў Польшчы.

«Мы супрацоўнічаем з мясцовымі ўладамі ў расследаванні, уключаючы аналіз ланцужкоў паставак нашых партнёраў. Добрая навіна ў тым, што няма ніякіх апасенняў адносна бяспекі спажыўцоў, і пастаўкі не перарываюцца», — гаворыцца ў афіцыйнай заяве.

Аднак падрабязнасці пра месца крадзяжу не раскрываюцца. Таксама не зразумела, дзе і як былі вярнутыя скрадзеныя тавары.