Іран атакаваў дронам «Шахед» кансулят ЗША ў Дубаі: новыя падрабязнасці

• 4.03.2026, 8:32

З’явіліся відэа наступстваў.

Паблізу кансулята ЗША ў Дубаі ў ААЭ, вечарам 3 сакавіка, узнік невялікі пажар з-за ўдару іранскага беспілотніка. Пра гэта масава паведамляюць відавочцы інцыдэнту і дзяляцца адпаведнымі відэа ў сетцы.

Мясцовыя ўлады адзначылі, што ў выніку здарэння ніхто не пацярпеў, а ўзгаранне ўжо патушылі. Са свайго боку ў агенцтве Reuters удакладнілі, што па амерыканскай дыпустанове трапіў менавіта іранскі беспілотнік.

Відавочцы распавядаюць пра дым, які падымаецца над раёнам каля будынка кансулята ЗША. Ёсць таксама некалькі відэа, на якіх, як сцвярджаецца, паказаны момант удару па тэрыторыі амерыканскага кансулята.

Кіраўнік Дзяржаўнага дэпартамента ЗША Марк Рубіо толькі што ў эфіры амерыканскіх вяшчальнікаў заявіў, што страт у кансуляце ЗША ў Дубаі «няма», удар іранскага дрона прыйшоўся на аўтастаянку.