Назвалі самую вялікую сям'ю ў Беларусі

• 4.03.2026, 11:42

У ёй 15 дзяцей.

Алена і Сяргей Алехновічы з Салігорскага раёна выхоўваюць 15 дзяцей, 14 з якіх — непаўналетнія. Сярод дзяцей: Нэйтан, Наомі, Мішэль, Ясенія, Меліса, Рувім, Яўхім, Лаліта, Давід, Марк, Аліса, Вераніка, Віялета, Яна, Алена. Усяго 10 дзяўчынак і 5 хлопчыкаў, піша Onliner.by.

Яны жывуць у вёсцы Тычыні.

«Шчыра, мы не планавалі станавіцца настолькі шматдзетнай сям'ёй. Я такога слова не ведаю — «планаваць». Але ў мяне самой у сям'і было 11 дзяцей, у мужа — таксама вялікая сям'я. Вось так і атрымалася», — кажа Алена.

Сяргей працуе на «Беларуськаліі», а Алена заўсёды прысвячала сябе дому і па-за ім не працавала.

«У мяне ўсе прафесіі. І псіхолаг, і вадзіцель, і кухар. І такой адказнасці, як у мамы, ні ў каго няма. Толькі мама можа супакоіць дзіця», — падзялілася Алена.

У адным з інтэрв'ю жанчына расказала, што сям'і прапаноўвалі няню для дагляду за дзецьмі, але сям'я палічыла, што ў гэтым няма неабходнасці: усе клапоцяцца адзін пра аднаго.