Стала вядома, дзе ў Польшчы зарабляюць больш за ўсё

• 4.03.2026, 15:38

І гэта не Варшава.

Апошнія даныя Цэнтральнага статыстычнага ўпраўлення Польшчы выявілі зусім новага лідара сярод гмін з найвышэйшымі заробкамі ў краіне. Гэта зусім не Варшава, а размешчаная непадалёк Падкова-Лясная з насельніцтвам крыху менш як 4000 чалавек, паведамляе Business Insider.

Месяц за месяцам гміна Ежманова, размешчаная недалёка ад Глогува, займала першае месца ў рэйтынгу самых «багатых» у Польшчы. Гэта невялікая і малавядомая гміна ў Ніжняй Сілезіі, размешчаная недалёка ад шматлікіх прадпрыемстваў, пераважна плавільных заводаў і шахтаў.

Аднак у верасні 2025 года Ежманова апусцілася на другое месца ў рэйтынгу. Медыяная заробітная плата тут склала 9506 злотаў брута ў месяц.

На гэты раз ніжнесілезская гміна саступіла месца яшчэ меншай Падкове-Лясной, дзе пражывае крыху менш за 4000 чалавек. Тут сярэдняя заробітная плата дасягнула 9541 злот брута ў месяц, што на 35 злотаў больш. Варшава змыкае тройку лідараў: палова яе жыхароў зарабляе не менш як 9459 злотаў брута ў месяц.