Кіраўнік Пентагона: Амерыка перамагае

• 4.03.2026, 17:23

Вашынгтон у стане весці баявыя дзеянні «столькі, колькі спатрэбіцца».

ЗША адназначна перамагаюць у канфлікце з Іранам. Пра гэта заявіў кіраўнік Пентагона Піт Хегсет, піша The Guardian.

«Сёння я звяртаюся да вас з адназначнай заявай аб аперацыі «Эпічная ярасць». Амерыка перамагае. Рашуча, знішчальна і бязлітасна», — падкрэсліў міністр вайны.

Па словах Хегсета, ЗША ў стане весці баявыя дзеянні «столькі, колькі спатрэбіцца».

Старшыня Аб’яднанага камітэта начальнікаў штабоў Узброеных Сіл ЗША генерал Дэн Кэйн дадаў, што ЗША прыступаюць да нанясення ўдараў у глыб тэрыторыі Ірана.