СМІ паказалі фота самых раскошных бункераў Дубая

• 4.03.2026, 17:46

Умацаваныя пакоі цяпер выкарыстоўваюцца ў якасці сховішчаў.

Найбяспечным месцам Daily Mail называе палац Забіль, у якім жывуць кіраўнікі эмірата — сям'я Аль-Мактум. Адзначаецца, што палац абсталяваны некалькімі бяспечнымі пакоямі і ўласнай аўтаномнай сістэмай электразабеспячэння, што дазваляе членам каралеўскай сям'і заставацца ў бяспецы цягам тыдняў.

Большасць найбольш элітных прыватных рэзідэнцый Дубая маюць аналагічны ўзровень бяспекі. Адна з самых дарагіх уласнасцяў горада — Marble Palace, размешчаны ў звышбагатым раёне Emirates Hills, таксама мае выбухабяспечныя пакоі і ўласную падстанцыю.

У той жа час блогеры дзеляцца кадрамі з трэнажорных залаў, якія часта размешчаныя на ніжніх паверхах элітных дамоў, у тым ліку шматкватэрных. Паводле слоў інфлюэнсераў, з-за адсутнасці сховішчаў яны выкарыстоўваюць залы ў якасці ўкрыцця.

Пры гэтым многія пяцізоркавыя гатэлі накіроўваюць гасцей у абароненыя зоны далей ад вокнаў.