Журналіста Такера Карлсана абрабавалі на мільёны долараў

• 4.03.2026, 19:17

Што знікла.

Амерыканскі журналіст Такер Карлсан «перажывае стрэсавую сітуацыю», піша 4 сакавіка таблоід TMZ. Прычынай гэтага, паведамляецца ў публікацыі, стаў рабунок — невядомыя выкралі ў яго 378 тыс. нікацінавых пакецікаў.

Адзначаецца, што брэнд ALP Pouches, які належыць Карлсану, анансаваў вытворчасць нікацінавых пакецікаў, але тавар, кошт якога ацэньваецца ў мільёны долараў, быў скрадзены з лагістычнага склада ў Паўднёвай Каліфорніі.

Чалавек, які выкраў тавар, «прад'явіў дакументы, што сведчаць аб законнай дзейнасці». Камеры зафіксавалі, як грузавік з таварам выязджае з тэрыторыі склада.

Цяпер следчыя шукаюць зніклы тавар. Адзначаецца, што крадзеж адбыўся яшчэ 23 лютага.

Такер абвясціў, што гатовы заплаціць узнагароду ў памеры $100 тыс. таму, хто раскрые дакладнае месцазнаходжанне грузу.

Аўтары матэрыялу іранічна прапанавалі Карлсану «прымераць на сябе ролю журналіста-расследавальніка і знайсці тавар самастойна».

Нікацінавыя пакецікі — гэта бязтутунёвыя порцыйныя падушачкі, што ўтрымліваюць нікацін, напаўняльнікі і араматызатары. Іх трымаюць у роце паміж вуснай і дзясной для ўсмоктвання нікаціну. Пакецікі з'яўляюцца альтэрнатывай цыгарэтам.