Пуцін павялічыў штатную колькасць узброеных сіл Расіі

• 4.03.2026, 19:18

На дзве тысячы чалавек.

Дыктатар Расіі Уладзімір Пуцін падпісаў указ, які ўстанаўлівае штатную колькасць Узброеных Сіл Расіі (УС) на ўзроўні 2 391 770 чалавек, з іх 1 502 604 — вайскоўцы, выплывае з указа прэзідэнта.

У тэксце ўказа паведамляецца, што стары ўказ аб колькасці УС Расіі ад верасня 2024 года прызнаецца такім, што страціў сілу. Папярэдні ўказ устанаўліваў штатную колькасць войскаў да 2 389 130 чалавек. Новы ўказ павялічвае штатную колькасць прыкладна на 2 тыс. чалавек.

Указ 2024 года тады ўстанаўліваў штатную колькасць вайскоўцаў на ўзроўні 1,5 млн чалавек. Яна павялічылася на 180 тыс. чалавек у параўнанні з указам 2023 года. Тады штатная колькасць УС Расіі вырасла да 2 209 130 чалавек, з іх — 1,32 млн вайскоўцаў.

У снежні мінулага года, выступаючы на прамой лініі, Пуцін паведаміў, што за год да расійскай арміі ў якасці кантрактнікаў далучыліся звыш 400 тыс. чалавек.