ЗША ліквідавалі іранскага лідара, які рыхтаваў замах на Трампа

• 4.03.2026, 21:48

Пра гэта заявіў кіраўнік Пентагона.

ЗША ліквідавалі лідара іранскага падраздзялення, якое рыхтавала замах на прэзідэнта Дональда Трампа. Аперацыя адбылася ў аўторак, 3 сакавіка.

Пра гэта заявіў міністр вайны ЗША Піт Хэгсет падчас брыфінгу ў Пентагоне.

Паводле слоў кіраўніка Пентагона, амерыканскім вайскоўцам удалося высачыць і знішчыць арганізатара верагоднага замаху.

Хэгсет адзначыў, што хоць Іран спрабаваў забіць Дональда Трампа, «апошняе слова засталося за прэзідэнтам».

У той жа час міністр адзначыў, што ліквідацыя гэтай асобы не была асноўнай мэтай маштабнай ваеннай аперацыі ЗША супраць Ірана.

«Пра гэта ніколі не згадваў ні прэзідэнт, ні хтосьці іншы. Я і іншыя пераканаліся, што тыя, хто быў за гэта адказны, урэшце трапілі ў спіс мэтаў», — падкрэсліў Хэгсет.

Зараз імя ліквідаванага лідара падраздзялення не агалошваецца.