У ўніверсітэце ў Гомелі адбыўся пажар

• 4.03.2026, 23:16

Ёсць пацярпелы.

У будынку Гомельскага дзяржаўнага ўніверсітэта імя Францыска Скарыны на вуліцы Кірава адбылося ўзгаранне, паведамляе Міністэрства па надзвычайных сітуацыях.

Гэта адбылося ў памяшканні сервернай на трэцім паверсе чатырохпавярховага будынка. Людзі, якія знаходзіліся ўнутры, выйшлі на вуліцу.

Пры спробе самастойна справіцца з агнём апёкі атрымаў супрацоўнік універсітэта, яго шпіталізавалі.

Ратавальнікі ліквідавалі ўзгаранне. На месцы здарэння працавала пяць адзінак тэхнікі МНС.

За мінулыя дзяжурныя суткі (з 6 гадзін 3 сакавіка да 6 гадзін 4 сакавіка) ахвярамі агню сталі тры чалавекі, сведчаць даныя МНС. Усяго ў краіне адбылося 17 пажараў.

Паводле даных МНС, з пачатку года ахвярамі пажараў сталі 205 чалавек (за аналагічны перыяд 2025-га — 153; +34%). Траўмавана 162 чалавекі (68; рост амаль у 2,4 раза).