У расійскім Армавіры дроны знішчылі стратэгічныя ваенныя аб'екты

• 5.03.2026, 9:46

Пад удар патрапілі аэрадром або чыгунка.

У ноч на 5 сакавіка дроны атакавалі ваенныя і стратэгічныя аб'екты на тэрыторыі Краснадарскага краю Расіі. Мяркуецца, што пад удар магла патрапіць чыгуначная станцыя ў Армавіры, піша Диалог.UA пасля маніторынгу сацыяльных сетак і мэсэнджараў.

Маштабную паветраную трывогу ў многіх рэгіёнах Расіі абвясцілі яшчэ ўчора ўвечары, 4 сакавіка. Прыблізна а 02:40 5 сакавіка жыхары Армавіра паведамілі пра некалькі выбухаў у раёне мікрараёна «Родина».

Там праходзіць чыгунка, таму не выключана, што яе аб'екты падвергліся атаке дронаў. Па чыгунцы ідзе забеспячэнне расійскай акупацыйнай арміі, што робіць яе законнай мэтай для ЗСУ.

Відэа публікуе тэлеграм-канал Exilenova+.

Не выключана, што мэтай ЗСУ мог таксама быць ваенны аэрадром у Армавіры, які выкарыстоўваюць для падрыхтоўкі курсантаў мясцовага ваеннага вучылішча.

Раней украінскія дроны ўжо наносілі ўдары па гэтым ваенным аб'екце. Напрыклад, у ноч на 26 ліпеня 2025 года на армавірскім аэрадроме знішчылі расійскі вучэбна-баявы знішчальнік «Су-27УБ».