Першы электрамабіль Lexus патаемна здымаюць з вытворчасці?

• 5.03.2026, 9:58

Прычыны вядомыя.

Электрамабіль Lexus UX 300e хутка перастануць прадаваць. Новае пакаленне кросовера пакуль не плануецца.

Электракросовер Lexus UX 300e паступова знікае з продажу — яго ўжо не прапануюць на ўнутраным рынку Японіі і ў шэрагу іншых краін. Пра гэта паведамляе сайт Carscoops.

У прыватнасці, нядаўна Lexus UX 300e перасталі прадаваць у Вялікабрытаніі і ў большасці краін Еўрапейскага саюза. Раней мадэль пакінула рынак Аўстраліі. Прыкметна, што ўсё адбываецца ціха — японскі аўтавытворца пакуль не абвясціў пра спыненне вытворчасці электракросовера.

Lexus UX 300e — першы серыйны электрамабіль маркі

Прычыны адмовы ад мадэлі UX 300e вядомыя. Першы электрамабіль Lexus, які прэзентавалі ў 2019 годзе, так і не стаў масавым. Напрыклад, у Вялікабрытаніі прадалі ўсяго 3400 кросовераў.

Кампактны кросовер Lexus UX 300e аказаўся даволі дарагім (ад 50 000 еўра), а яго запас ходу з батарэяй ёмістасцю 54,3 кВт·г даволі невялікі — усяго 300 км. Да таго ж электрамабіль абсталяваны састарэлым зарадным портам CHAdeMo.

Паколькі электрычнай мадэлі ўжо споўнілася 7 гадоў, прыйшоў час спыніць яе вытворчасць. У лінейцы японскай маркі застаецца больш буйны і сучасны электракросовер Lexus RZ.