Польшча пачала эвакуацыю сваіх грамадзян з Блізкага Усходу

• 5.03.2026, 11:48

Аперацыя пачалася сёння раніцай.

Самалёты польскіх Ваенна-паветраных сіл вылецелі з краіны, каб падтрымаць аперацыі, звязаныя з эвакуацыяй польскіх грамадзян з Блізкага Усходу.

Пра гэта паведаміла Аператыўнае камандаванне Узброеных Сіл Польшчы ў сацсетцы Х.

Аперацыя пачалася раніцай у чацвер, 5 сакавіка, каля 06:00 па мясцовым часе.

«Самалёты польскіх ВПС вылецелі з Польшчы для падтрымкі аперацый, звязаных з эвакуацыяй польскіх грамадзян з Блізкага Усходу», — паведаміла Аператыўнае камандаванне Узброеных Сіл краіны.

Як паведамлялася, 4 сакавіка міністр замежных спраў Германіі Ёган Вадэфуль абвясціў пра пачатак аперацыі па рэпатрыяцыі немцаў, якія засталіся на Блізкім Усходзе.

У гэты ж дзень Францыя завяршыла першы рэпатрыяцыйны рэйс. Таксама паведамлялася, што ўрад Іспаніі накіруе ваенна-транспартны самалёт Airbus 330 на Блізкі Усход для вяртання сваіх грамадзян.