У Беларусь ідзе антыцыклон «Янніс»

• 5.03.2026, 14:35

Ён зменіць надвор'е на 8 сакавіка.

У Белгідрамеце расказалі, якое будзе надвор'е ў святочны дзень 8 сакавіка, паведамляе БелТА.

«Антыцыклон JANNIS («Янніс». — заўв.) у наступныя шэсць сутак падорыць нам сонечнае вясновае надвор'е», — расказалі сіноптыкі.

У святочную нядзелю 8 сакавіка месцамі на паўночным усходзе Беларусі ўначы паветра астыне да -11 градусаў, а дзённыя максімумы будуць у межах ад +1 градуса на ўсходзе да +16 градусаў на захадзе краіны. Уначы і раніцай месцамі не выключаныя слабыя туманы і галалёд.