Іран атакаваў дата-цэнтры Amazon

• 5.03.2026, 14:34

На Блізкім Усходзе фіксуюць збоі ў працы інтэрнэту.

Кампанія Amazon Web Services заявіла, што некалькі яе дата-цэнтраў на Блізкім Усходзе былі пашкоджаныя ўдарамі дронаў, нанесенымі Іранам або звязанымі з ім сіламі.

Пра гэта піша Marketplace.

Два аб’екты былі паражаныя ў ААЭ, а яшчэ адзін — у Бахрэіне — пашкоджаны выбухам паблізу.

Атакі выклікалі збоі ў працы шэрагу мабільных дадаткаў у рэгіёне, у прыватнасці банкаўскіх і плацёжных сэрвісаў.

Аналітыкі кажуць, што дата-цэнтры з’яўляюцца важнай часткай лічбавай эканомікі.

Эксперты занепакоеныя бяспекай дата-цэнтраў, якія цяпер з’яўляюцца асновай функцыянавання інтэрнэту і эканомікі штучнага інтэлекту.

Amazon Web Services з’яўляецца найбуйнейшым у свеце пастаўшчыком воблачных вылічэнняў. Сэрвіс забяспечвае кампаніі, урады і прыватных асоб вылічальнай магутнасцю, сховішчамі даных і іншымі лічбавымі сэрвісамі.

Чаму гэта важна?

Большасць воблачных сэрвісаў у свеце кантралююць Amazon, Microsoft і Google.

Што кажуць у Іране?

Іранскія дзяржаўныя СМІ апраўдваюць атакі, тлумачачы, што аб’екты Amazon нібыта падтрымліваюць ваенныя аперацыі ЗША.