У Беларусі ўхілены маштабны збой зарадных станцый Malanka

• 5.03.2026, 15:12

Сцвярджаецца, што яны «працуюць у штатным рэжыме».

Збой зарадных станцый Malanka ў Беларусі ўхілены, паведаміў аператар сеткі электразаправачных станцый «Беларуснафта».

«Нашы сэрвісы зноў у страі», — паведамілі ў кампаніі, адзначыўшы, што ўсе сістэмы працуюць у штатным рэжыме.

Нагадаем, раніцай 4 сакавіка сетка зарадных станцый Malanka па ўсёй Беларусі часова выйшла з ладу з-за аварыі на воблачнай платформе аператара сувязі МТС. Вадзіцелі электрамабіляў засталіся без магчымасці зарадзіць аўтамабілі.