На волю выйшлі 15 беларускіх палітвязняў

• 5.03.2026, 16:04

Большасць з іх — жанчыны.

Лукашэнка падпісаў Указ аб памілаванні 18 асуджаных, у тым ліку 15 чалавек, асуджаных паводле палітычных артыкулаў. Большасць памілаваных — жанчыны (11 чалавек). У шасці з іх ёсць дзеці, у тым ліку дзеці з інваліднасцю і тыя, каму патрэбная пастаянная медыцынская рэабілітацыя, гаворыцца ў паведамленні прэс-службы дыктатара.

Памілаваныя таксама дзве сужэнскія пары, жанчына, якая знаходзіцца на апошніх тэрмінах цяжарнасці, і адна асуджаная, што парушыла закон ва ўзросце 16 гадоў.

«Усе яны падалі хадайніцтвы аб памілаванні, прызналі віну, раскаяліся ў зробленым, а таксама абяцалі весці законпаслухмяны лад жыцця», — гаворыцца ў паведамленні.