Украіна і Расія абмяняліся палоннымі праз Беларусь

• 5.03.2026, 16:54

Абмен адбыўся паводле схемы «200 на 200».

Паміж Украінай і Расіяй адбыўся абмен ваеннапалоннымі. З кожнага боку былі вызваленыя па 200 чалавек. Паведамляецца, што абмен адбыўся 5 сакавіка праз тэрыторыю Беларусі.

Прэзідэнт Украіны Уладзімір Зяленскі паведаміў у сваім тэлеграм-канале, што «200 украінскіх сем'яў атрымалі самае доўгачаканае паведамленне — іх родныя вяртаюцца дадому». Паводле яго слоў, сярод вызваленых — абаронцы Марыупаля, Данецкай, Луганскай, Харкаўскай і Запарожскай абласцей, а таксама ваеннаслужачыя Узброеных Сіл, Дзяржаўнай спецыяльнай службы транспарту, памежнікі і нацгвардзейцы.

Зяленскі таксама падзякаваў ЗША за падтрымку ў арганізацыі абмену.

У сваю чаргу, Міністэрства абароны Расіі паведаміла пра вяртанне 200 расійскіх ваеннаслужачых. Традыцыйна адзначаецца, што яны знаходзяцца на тэрыторыі Беларусі, дзе ім аказваюць неабходную псіхалагічную і медыцынскую дапамогу.