Зяленскі патроліў Орбана: Перададзім адрас гэтага чалавека нашым Узброеным Сілам

• 5.03.2026, 17:02

Прэзідэнт Украіны спадзяецца, што ніхто ў ЕС не будзе блакаваць выдзяленне 90 млрд еўра дапамогі Кіеву.

Пра гэта Уладзімір Зяленскі заявіў падчас брыфінгу па выніках працы ўрада.

«Спадзяёмся, што адзін чалавек у ЕС не будзе блакаваць 90 млрд і ў украінскіх вайскоўцаў будзе зброя. Інакш перададзім адрас гэтага чалавека нашым Узброеным Сілам, нашым хлопцам. Няхай яны яму тэлефануюць і размаўляюць з ім на сваёй мове», - адзначыў прэзідэнт Украіны, верагодна, маючы на ўвазе прэм'ера Венгрыі Віктара Орбана.

«Мы разумеем, што ў нас няма альтэрнатывы гэтым грошам. Мы разумеем, што гэтыя грошы заблакаваныя адным чалавекам. Афіцыйна тут няма ніякіх сакрэтаў», - дадаў ён.

Паводле слоў прэзідэнта, Украіна разлічвае на грошы ЕС і на ўласны бюджэт.

Нагадаем, венгерскі прэм'ер блакуе крэдыт €90 млрд для Украіны, абвінавачваючы Кіеў у наўмысным блакаванні транзіту нафты з РФ па нафтаправодзе «Дружба», пашкоджаным у выніку расійскіх атак.