Белгідрамет пайшоў супраць Лукашэнкі

• 5.03.2026, 17:31

Сіноптыкі паспрачаліся з дыктатарам.

Лукашэнка, які ўявіў сябе сіноптыкам, зрабіў прагноз па паводку вясной 2026 года і заявіў, што вялікай вады не будзе, а 5 сакавіка Белгідрамет выпусціў свой прагноз, які супярэчыць словам дыктатара.

Сіноптыкі лічаць, што вясной 2026 года палаводдзе будзе больш высокім, чым у апошнія гады, але, паводле разлікаў, максімальныя ўзроўні вады на рэках прагназуюцца блізкімі да сярэдніх шматгадовых значэнняў.

Што да пойменных участкаў рэк, то яны будуць затапляцца. «Максімальныя ўзроўні вады наблізяцца да небяспечна высокіх адзнак, пры якіх адзначаюцца затапленні прыбярэжных тэрыторый», — адзначылі ў Белгідрамеце.

Найбольш складаную паводкавую сітуацыю спецыялісты чакаюць у басейнах рэк Дняпра, Сожа і Прыпяці.