8 сакавіка праспект Незалежнасці ў Мінску перакрыюць амаль на шэсць гадзін

• 5.03.2026, 18:09

У нядзелю ў сталіцы Беларусі адбудзецца «Прыгожы забег».

З-за мерапрыемства рух па праспекце Незалежнасці будуць перакрываць у два этапы:

з 9:00 да 14:30: на ўчастку ад вуліцы Філімонава да вуліцы Каліноўскага (аб'езд – па вуліцах Валгаградскай, Філімонава, Францыска Скарыны, Кедышкі, Каліноўскага і Парнікавай, а таксама па Дачным праездзе);

з 11:30 да 13:30: на ўчастку ад вуліцы Сурганава да вуліцы Каліноўскага (аб'езд – па вуліцах Сурганава, Якуба Коласа, Кузьмы Чорнага, Кнорына, Кедышкі і Каліноўскага).

У гэты час зменіцца і рух грамадскага транспарту.