У Алжыры разбіўся ваенна-транспартны самалёт

• 5.03.2026, 19:13

Два лётчыкі не выжылі.

Транспартны самалёт Ваенна-паветраных сіл (ВПС) Алжыру разбіўся пасля ўзлёту з авіябазы Буфарык на паўднёвы захад ад сталіцы краіны. Пра гэта паведаміла Міністэрства абароны Алжыру.

Інцыдэнт адбыўся 5 сакавіка. На борце самалёта знаходзіліся шэсць чалавек. У выніку катастрофы два лётчыкі атрымалі траўмы, несумяшчальныя з жыццём.

Іншыя чальцы экіпажа пацярпелі і былі шпіталізаваныя. Высвятляюцца прычыны аварыі.