Іран — гэта званочак для Расіі

• Андрэй Каваленка
• 5.03.2026, 20:12

У Крэмля ёсць час да 4 ліпеня.

Ці пачалася трэцяя сусветная? Як сітуацыя ў Іране ўплывае на Украіну і што будзе далей?

Вайна ЗША і Ізраіля супраць Ірана працягваецца. Армузскі праліў — яе ключавы сюжэт. Іран спрабуе зрабіць усё, каб зацягнуць вайну. Кітай імкнецца дамагчыся таго, каб Іран змяніў сваю стратэгію абстрэлаў і не ствараў праблем у Армузскім праліве, каб нічога не перашкаджала руху нафты. Злучаныя Штаты — таксама.

У Ірана няма сіл для працяглага супрацьстаяння. Адпаведна, можа пачацца сухапутная аперацыя. Курдскія войскі ўжо з Ірака ўвайшлі на тэрыторыю Ірана. Адпаведна, Іран прайграў вайну — 100%. Проста цяпер яны робяць усё, каб захаваць рэжым, і спрабуюць хоць як-небудзь дамовіцца пра сваю будучыню і магчымую супрацу з Захадам.

Гэта не трэцяя сусветная вайна. Ідуць рэгіянальныя войны. Калі і ідзе трэцяя сусветная, дык у кіберпрасторы.

Што да таго, што будзе рабіць НАТА. Паколькі Іран запусціў балістычныя ракеты ў напрамку Турцыі, НАТА дае зразумець, што цалкам можа ўжыць ваенную сілу супраць Ірана. Супраць Расіі ж гэтага не робяць. Чаму так? Падвойныя стандарты свету ўжо даўно нікога не здзіўляюць — у Расіі ёсць ядзерная зброя, і ўсе гэтага баяцца.

Усё, што цяпер адбываецца ў Іране, — гэта сігнал Расіі. У Расіі ёсць час да 4 ліпеня, каб з’явілася пагадненне з Украінай. Іран — гэта званочак для Расіі, што вайну трэба заканчваць.

Пуцін тым часам пагражае Еўропе ростам цэн на газ. Ён спрабуе падтрымаць Орбана ў Венгрыі на выбарах і працягвае вайну, хоць поспехаў няма.

Андрэй Каваленка, TikTok