Для Украіны ў вайне з Іранам ёсць два базавыя сцэнарыі

• Дзмітрый Кулеба
• 5.03.2026, 20:33

Як усё будзе працягвацца?

Гэта не трэця сусветная вайна. Кітай не будзе ваяваць за Іран, але паспрабуе дапамагчы яму трымацца.

Для Украіны ёсць дзве галоўныя рызыкі гэтай вайны.

Першая — калі яна зацягнецца, узнікне вялікая патрэба ў ракетах Patriot для перахопу ўсіх іранскіх дронаў. Адпаведна, партнёры могуць сказаць: «Прабачце, яны патрэбныя нам самім». Тады мы з вамі адчуем, што такое адсутнасць ракет Patriot.

Другая рызыка — павышэнне цаны на нафту. Чым вышэйшая цана на нафту, тым больш грошай у Расіі. А чым больш грошай у Расіі, тым больш і даўжэйшая вайна супраць Украіны.

Расія цалкам дэградавала і не здольная нічога зрабіць, каб дапамагчы Ірану, таму што ўсе рэсурсы кінула на вайну з Украінай. Гэта яе галоўная мэта. У доўгатэрміновай перспектыве мы бачым поўную дэградацыю Расіі як імперыі, але цяпер нам ад гэтага не лягчэй.

Як усё будзе працягвацца? Цяпер ёсць два базавыя сцэнарыі.

Першы — Іран стабілізуецца знутры, захоўвае здольнасць вырабляць і атрымліваць зброю, і тады нас чакае доўгая вайна.

Другі — адбываюцца процілеглыя рэчы. Перамагаюць ЗША і Ізраіль. Далей — невядомасць.

Што мы ведаем дакладна: у сусветнай гісторыі няма выпадку, калі без сухапутнай аперацыі ўдалося змяніць рэжым. Таму нейкая вайна ды будзе.

Дзмітрый Кулеба, TikTok