У цэнтры Віцебска на перакрыжаванні ўтварылася велізарная яма

• 6.03.2026, 8:32

Праваліўся асфальт.

Увечары 5 сакавіка на перакрыжаванні на адной з цэнтральных вуліц Віцебска праваліўся асфальт. У выніку проста пасярод праезнай часткі ўтварыўся велізарны правал, які стварае пагрозу як аўтамабілістам, так і пешаходам, паведамляе «Тэлеграф».

Надзвычайнае здарэнне адбылося на перакрыжаванні вуліц Леніна і Янкі Купалы — яго аператыўна ачапілі камунальныя службы.

Правал дарожнага пакрыцця здарыўся акурат побач з калодзежам каналізацыйнага калектара. Спецыялісты Віцебскага вадаканала прыступілі да аднаўленчых работ яшчэ напярэдадні ўвечары.

Кадрамі з месца здарэння падзяліўся афіцыйны тэлеграм-канал Віцебскага гарадскога выканаўчага камітэта.