Ізраіль заявіў пра пачатак маштабных удараў па Тэгеране

• 6.03.2026, 11:30

ЦАХАЛ пераходзіць да новага этапу аперацыі супраць іранскага рэжыму.

Армія абароны Ізраіля заявіла, што пачала наносіць маштабныя ўдары па «інфраструктуры іранскага рэжыму» ў сталіцы краіны — Тэгеране.

«Папярэдні даклад — ЦАХАЛ распачаў шырокамаштабную хвалю ўдараў па інфраструктуры іранскага тэрарыстычнага рэжыму ў Тэгеране», — гаворыцца ў паведамленні Арміі абароны Ізраіля. Іншыя падрабязнасці ў ім не прыводзяцца.

Адначасова з гэтым дзяржаўнае тэлебачанне Ірана паведаміла пра выбухі ў сталіцы.

Раней начальнік Генеральнага штаба Арміі абароны Ізраіля Эяль Замір заявіў, што Ізраіль пераходзіць да наступнай фазы аперацыі супраць Ірана.