У Мінску на пераходзе тролейбус збіў жанчыну

• 6.03.2026, 11:32

Здарэнне адбылося ноччу 6 сакавіка.

У Мінску тролейбус збіў жанчыну, якая ішла па пераходзе, паведамілі ў сталічнай ДАІ.

Здарэнне адбылося ноччу 6 сакавіка.

Папярэдне ўстаноўлена, што 36-гадовая вадзіцелька тролейбуса рухалася па вуліцы Гурскага. Пры павароце ўлева на вуліцу Панамарэнкі яна не надала перавагу жанчыне, якая пераходзіла дарогу па пешаходным пераходзе на дазваляльны сігнал святлафора, і здзейсніла наезд на яе.

У выніку ДТЗ 50-гадовая жанчына атрымала траўмы рознай ступені цяжкасці і была дастаўлена ў бальніцу.