Бадзяжныя сабакі трымаюць у страху цэлыя двары ў Мазыры

• 6.03.2026, 14:30

Жыхары неаднаразова звярталіся ў службу 115, але сітуацыя не змянілася.

У Мазыры бадзяжныя сабакі трымаюць у страху цэлыя двары. Пра гэта адзін з жыхароў горада распавёў на асабістым прыёме ў старшыні аблвыканкама Івана Крупко, паведаміла выданне («Штодзень» https://homeldays.org/badzjazhnyja-sabaki-trymajuc-u-strahu-cjelyja-dvary-mazyry/).

Мужчына паказаў відэа з сабакамі і паведаміў, што яго дачка пацярпела ад іх нападу. Сям’я неаднаразова звярталася ў службу 115, але сітуацыя не змянілася.

У каментары рэгіянальнаму тэлеканалу начальнік галоўнага ўпраўлення жыллёва-камунальнай гаспадаркі аблвыканкама Дзмітрый Соцкі прызнаў: «Сабакі бегаюць непадалёк ад школы». Ён паабяцаў прыняць усе магчымыя меры і заявіў, што праблема пад кантролем кіраўніцтва вобласці.