Пад Мінскам гарэў спартыўна-гасцінічны комплекс

• 6.03.2026, 22:22

Інцыдэнт адбыўся ў вёсцы Копішча.

У Мінскім раёне адбыўся пажар у спартыўна-гасцінічным комплексе.

Інцыдэнт адбыўся ў вёсцы Копішча. Як паведамілі ў МНС, па прыбыцці выратавальнікаў назіралася адкрытае гарэнне ў парыльным памяшканні комплексу.

Паводле папярэдняй інфармацыі, пацярпелых няма.

Да тушэння былі прыцягнутыя восем адзінак тэхнікі. Цяпер выратавальнікі працягваюць разбіранне і праліўку канструкцый.