У Беларусі рыхтуецца спецаперацыя «Павуціна»

• 7.03.2026, 9:39

Да 8 сакавіка.

У ДАІ Беларусі паведамілі, што ў сувязі з надыходам пацяплення і Міжнародным жаночым днём вырашылі ўладкаваць на дарогах суцэльныя перакрыцці ў выглядзе спецмерапрыемстваў «Фільтр» і «Павуціна».

Праўда, іх правядуць яшчэ да свята, а скончацца яны пасля яго. З 6 па 9 сакавіка па ўсёй краіне інспектары ДАІ будуць лавіць п'яных і бяспраўнікаў, але не адмовяцца і ад пакарання за іншыя парушэнні.

У гэтыя выхадныя ўсё будзе па-сур'ёзнаму. Будуць арганізаваныя спецмерапрыемствы пад назвамі «Фільтр» і «Павуціна», абмен нарадамі ДПС (дарожна-патрульнай службы) паміж суседнімі раёнамі.

А для адпрацоўкі рэгіёнаў з найбольш напружанай дарожнай абстаноўкай задзейнічаны супрацоўнікі спецыяльнага падраздзялення ДПС «Страла» МУС (Міністэрства ўнутраных спраў). Праўда, у ведамстве гэтым разам не сталі ўдакладняць, куды паедуць спецдаішнікі.