ЗСУ паразілі важныя аб’екты РФ у раёне Данецкага аэрапорта

• 7.03.2026, 13:37

Для знішчэння варожых пазіцый былі выкарыстаныя ракеты ATACMS і SCALP.

Украінскія войскі паразілі важныя аб’екты расійскіх акупантаў у раёне Данецкага аэрапорта. Мэтаю удараў стала месца захоўвання, падрыхтоўкі і запуску ўдарных БПЛА праціўніка тыпу «Шахед».

Для знішчэння варожых пазіцый ЗСУ выкарысталі ракеты ATACMS і SCALP. Пра гэта паведамілі у Генеральным штабе ЗСУ.

Падрабязнасці аперацыі

Паводле інфармацыі ўкраінскага генштаба, варожыя аб’екты ў раёне Данецкага аэрапорта былі паражаныя 7 сакавіка. Удар быў нанесены падраздзяленнямі Ракетных войскаў і артылерыі Сухапутных войскаў сумесна з авіяцыяй Паветраных Сіл ЗСУ.

Пасля абстрэлу зафіксаваны маштабны пажар і другасная дэтанацыя. Акрамя таго, у межах зніжэння баявога патэнцыялу расійскага агрэсара падраздзяленні Сіл абароны Украіны 6-га ў ноч на 7 сакавіка нанеслі праціўніку шэраг іншых паражэнняў.

У прыватнасці, паражаны пункт кіравання БПЛА акупантаў у раёне Дыбровы Луганскай вобласці, а таксама камандна-назіральны пункт у раёне Круглякоўкі Харкаўскай вобласці.

Акрамя таго, Сілы абароны абстрэльвалі артылерыйскія сродкі праціўніка на агнявых пазіцыях у раёнах Тавільжанкі Харкаўскай вобласці, Васкрасенкі і Навапаўлаўкі Данецкай вобласці.

Таксама паражаныя раёны канцэнтрацыі жывой сілы праціўніка ў раёнах Навагрыгораўкі, Жалезнадарожнага Запарожскай вобласці, Торскага Данецкай вобласці і Сапіча Сумскай вобласці.