«Ці хто-небудзь купляе квіткі на іх канцэрты?»

• 7.03.2026, 21:55

Беларусы абураныя засіллем расійскіх артыстаў у краіне.

Жыхарка Гомеля апублікавала ў TikTok відэа, у якім паказала канцэртную афішу горада. На ёй пазначаныя выступы артыстаў, запланаваныя ў гарадскім грамадска-культурным цэнтры.

Аўтарка відэа звярнула ўвагу, што ў афішы пераважаюць расійскія выканаўцы, пры гэтым большасць з іх ёй незнаёмая. У відэа яна задаецца пытаннем, чаму ў Гомель не прыязджаюць больш вядомыя артысты. «Цікава, Гомель настолькі вёска, што да нас не прыязджаюць нармальныя артысты? Іх увогуле хто-небудзь ведае? Хтосьці купляе квіткі на іх канцэрты?» — кажа яна.

На афішы, што трапіла ў кадр, можна ўбачыць аб'явы пра канцэрты расійскіх выканаўцаў Алега Пагудзіна і Валерыя Сёміна. Відэа хутка прыцягнула ўвагу карыстальнікаў: па стане на 6 сакавіка 2026 года пад ім пакінулі 759 каментарыяў.