Відэа з Пуціным, які задыхаецца, не выпадкова трапіла ў Сеціва

• 9.03.2026, 8:06

Крамлёўскі дыктатар імкліва страчвае папулярнасць.

Паяўленне ў публічнай прасторы чарнавой запісы відэазвароту расейскага дыктатара Пуціна з нагоды 8 сакавіка, у якім ён кашляе і смаркаецца, не з'яўляецца выпадковасцю — гэта спроба Крамля павысіць цікавасць расіян да кіраўніка РФ, які страчвае папулярнасць.

Пра гэта піша блізкі да расейскіх сілавікоў праект «ВЧК-ОГПУ» са спасылкай на крыніцы.

Паводле суразмоўцы, сістэма кантролю ў адміністрацыі прэзідэнта і Федэральнай службе аховы настолькі жорсткая, што любыя матэрыялы, уключаючы фота, відэа і чарнавыя запісы, праходзяць шматузроўневую праверку і ніколі не трапляюць у інтэрнэт без ведама спецслужбаў. Памылка, накшталт выпадковага размяшчэння запісу, выключаная.

Вакол Пуціна дзейнічае жорсткая ізаляцыя: персанал карыстаецца толькі кнопкавымі тэлефонамі без інтэрнэту, перасоўваецца на транспарце ФСО, а дамы знаходзяцца пад пастаянным відэаназіраннем. Любы матэрыял спачатку правяраецца асабістай аховай і спецыялізаванымі «більд-рэдактарамі» перад публікацыяй.

Крыніца тлумачыць публікацыю як «крэатыўнае» дзеянне некалькіх упраўленняў адміністрацыі, мэтай якога з'яўляецца прыцягненне ўвагі да заяў Пуціна. Гэта спроба штучна падняць цікавасць да зваротаў дыктатара, улічваючы, што звычайная наведвальнасць крэмлёўскага сайта і прагляды відэа сярод насельніцтва РФ становяцца надзвычай нізкімі. Гэта сведчыць пра згасаючую папулярнасць дыктатара ў расейскім грамадстве.