Украіна рыхтуе судовыя дзеянні супраць Венгрыі

• 9.03.2026, 9:06

З-за канфіскаваных грошай з інкасатарскіх аўтамабіляў.

Прадстаўнік Міністэрства замежных спраў Георгій Ціхі заявіў, што Украіна рыхтуе судовыя дзеянні супраць Венгрыі з-за канфіскаваных грошай з інкасатарскіх аўтамабіляў «Ашчадбанка».

«Ва Украіне мы кажам: «На злодзеі шапка гарыць». Гэта азначае: «Вінаватае сумленне не патрабуе абвінаваўцы». Гэта якраз той выпадак. Мы чакаем вяртання скрадзеных сродкаў і рыхтуем канкрэтныя судовыя дзеянні. А таксама будзем патрабаваць справядлівасці і адказнасці», — напісаў ён на сваёй старонцы ў X.

Кіраўнік МЗС Венгрыі Петер Сійярто заявіў, што Будапешт «усё яшчэ чакае адказу» адносна перамяшчэння сродкаў праз краіну.