На адным з прадпрыемстваў Мінскай вобласці разгарэўся карупцыйны скандал

• 9.03.2026, 9:14

Начальнік цэха нібыта браў адкаты.

Кіраўніка цэха аднаго з градатворальных прадпрыемстваў Мінскай вобласці падазраюць у карупцыі, паведамілі ў МУС.

Паводле версіі ведамства, фігурант падбіраў падрадчыкаў для рамонту тэхнікі і за выбар камерцыйнага суб'екта ў якасці пастаўшчыка паслуг устанаўліваў памер «адкату» ад 10 да 50% кошту выкананых работ.

Аператыўнікі зафіксавалі атрыманне хабару ў памеры 19 тысяч рублёў.

Следчыя ўзбудзілі крымінальную справу. Фігуранту пагражае да 10 гадоў пазбаўлення волі.