За суткі Украіна запусціла рэкардную колькасць дронаў па Расіі

• 9.03.2026, 17:06

Найбольш інтэнсіўна дроны атакоўвалі Бранскую вобласць і акупаваны Крым.

Мінабароны Расіі заявіла, што расійскія вайскоўцы за суткі «збілі 754 дроны», якія былі запушчаныя з тэрыторыі Украіны. Выданне «Мілітарны» ацаніла, што гэта найбольшая колькасць беспілотнікаў, якія атакавалі тэрыторыю Расіі і акупаваны Крым.

Найбольш інтэнсіўна дроны атакоўвалі Бранскую вобласць (235 БПЛА), Краснадарскі край (61 БПЛА), Тульскую вобласць (48 БПЛА), Белгарадскую вобласць (41 БПЛА) і акупаваны Крым (78 дронаў).

Гэта стала новым рэкордам па колькасці атак на тэрыторыю Расіі, што можа сведчыць пра значнае нарошчванне вытворчасці беспілотнікаў для Сіл абароны Украіны.