Марка Рубіо: Свет стане больш бяспечным і лепшым, калі місія ў Іране будзе выкананая

• 9.03.2026, 17:44

Важна разумець, чаму найвялікшая армія ў гісторыі свету ўдзельнічае ў гэтай аперацыі.

Пра гэта заявіў дзяржаўны сакратар ЗША Марка Рубіо, адказваючы на пытанні журналістаў пра Іран, перадае АРА.

«Мэты гэтай місіі ясныя, і важна працягваць нагадваць амерыканскаму народу, чаму найвялікшая армія ў гісторыі свету ўдзельнічае ў гэтай аперацыі, — сказаў ён. — Яна патрэбная, каб знішчыць здольнасць гэтага рэжыму запускаць ракеты, знішчыўшы іх ракеты і пускавыя ўстаноўкі, знішчыць заводы, якія вырабляюць гэтыя ракеты, і знішчыць іх ваенна-марскія сілы».

Свет стане больш бяспечным і лепшым месцам, калі гэта місія будзе выкананая, сказаў Марка Рубіо.

«Калі гаворка ідзе пра захоп закладнікаў, у свеце не было горшага злачынцы, чым клерыкальны рэжым у Тэгеране. Яны з’яўляюцца найгоршымі злачынцамі ў свеце ў сферы тэрарызму і захопу закладнікаў», — заявіў ён.