У Дзяржынску памерлі радзільніца і немаўля

• 9.03.2026, 17:51

Трагедыя адбылася 8 сакавіка ў раённай бальніцы.

У сацсетках з'явілася інфармацыя пра гібель маці і немаўляці ў Дзяржынскай ЦРБ. «Учора, 8 сакавіка, адышлі воды, павезлі ў бальніцу і не выратавалі ні радзільніцу, ні дачку», — напісала дзяўчына, якая прадставілася калегай загінулaй маладой жанчыны. Журналісту Onlíner пацвердзілі гэтую інфармацыю ў бальніцы.

Трагедыя адбылася ў нядзелю, 8 сакавіка. Паводле слоў калегі, загінулая дзяўчына нядаўна выйшла замуж, ёй было 26 гадоў. Пара чакала дзяўчынку — гэта было іх першае дзіця.

Месяц таму дзяўчына пайшла на бальнічны па цяжарнасці. «Анафілактычны шок, усё вельмі хутка. Тэрмін прыкладна 34 тыдні. <�…> Даведаліся ад яе маці, якая сёння з раніцы зайшла да нас у кабінет у істэрыцы даведацца, якія дакументы трэба сабраць», — напісала ў паведамленні калега.

Мы звязаліся з галоўным лекарам Дзяржынскай ЦРБ Аленай Падалянчык. Яна пацвердзіла гібель маці і немаўляці:

— Пакуль скажу толькі: медыкі зрабілі ўсё, што маглі. Кажу гэта з усёй адказнасцю: усё, што змаглі.

Афіцыйнай інфармацыі пра прычыны здарэння пакуль няма.